Шымкент қаласы әкімінің жанындағы әйелдер істері және отбасылық-демографиялық саясат жөніндегі комиссияның кезекті отырысы өтті. Қала әкімінің орынбасары, комиссия төрағасы Сәрсен Құранбектің жетекшілігімен өткен мәжіліске басқарма басшылары және жергілікті үкіметтік емес ұйымдардың өкілдері қатысты.
Кезекті отырыстың күн тәртібінде «Отбасындағы зорлық-зомбылықсыз Қазақстан» жобасы, әйелдер мен балалардың құқықтарын қорғау, олардың еңбегін әділ бағалау және дискриминацияға жол бермеу мәселелері талқыланды. Сонымен қатар, «Отбасындағы зорлық-зомбылықсыз Қазақстан» жобасының іске асырылуы және жалғызбасты қарттарды әлеуметтендіру бойынша жұмыстар талқыланды.
Комиссия мүшелері талқыланған мәселелер бойынша баяндамашыларға сұрақтарын қойып, бірнеше мәселенің шешу жолдарын қарастырды. Отырыстың нәтижесінде, Шымкент қаласының әкімдігі жанындағы комиссия құзырлы орындарға нақты тапсырмалар мен ұсыныстар берді. Бұл жұмыстар әйелдер мен балалардың құқықтарын қорғауға және отбасындағы зорлық-зомбылықты азайтуға бағытталған маңызды қадамдардың бірі болып табылады.Комиссия отырысының қорытындысы бойынша комиссия төрағасымен бірқатар тапсырмалар беріліп, олардың орындалуы қатаң бақылауға алынатындығы жеткізілді.Сондай-ақ, аталған бағыттағы жұмыстарға комиссия мүшелері де белсене ат салысып, мүдделі мемлекеттік органдармен бірлесіп тығыз жұмыстар жүргізілетін болады.
Еске сала кетейік, Шымкент қаласы әкімінің жанындағы әйелдер істері және отбасылық-демографиялық саясат жөніндегі комиссия ай сайын тұрақты отырыс өткізіп, қаламыздағы бірқатар мәселелердің шешу жолдарын қарастырып келеді.
