«Әділет» партиясы жанындағы «Жастар Рухы» жастар қанатының бастамасымен «Ардагерлерді ардақтайық» акциясы аясында еліміздің өңірлерінде аға буын өкілдеріне көмек көрсетілуде.
Акция барысында жастар мен еріктілер қарттардың үйлеріне барып, күнделікті тұрмысына қолдау көрсетуде. Атап айтқанда, аула тазалау, үй шаруасына көмектесу, қажетті заттарды жеткізу сияқты жұмыстар атқарылды.
Бүгінде акция аясында 200-ге жуық қартқа көмек көрсетілді. Бастаманың негізгі мақсаты – аға буынға құрмет танытып, олардың қоғамдағы орнын дәріптеу, сондай-ақ жастар мен аға буын арасындағы байланысты нығайту.
