Токио – Вашингтон қарым-қатынасында жаңа кезең басталуы мүмкін. Жапония АҚШ-қа иелік ететін қарыз көлемін сауда келіссөздерінде қысым тетігі ретінде қолдануға даяр екенін ресми түрде мәлімдеді. Бұл туралы Жапонияның қаржы министрі Кацунобу Като ұлттық телеарналардың біріне берген сұхбатында хабарлады.
Министрдің айтуынша, Жапония АҚШ үкіметінің 1 триллион доллардан астам қазынашылық құнды қағазына (облигациясына) иелік етеді. Бұл көрсеткіш Жапонияны Америка Құрама Штаттарының ең ірі сыртқы кредиторы етеді.
«Біз экономикалық мүддемізді қорғау үшін барлық дипломатиялық және қаржылық құралдарды
Мәселенің туындауына себеп – АҚШ-тың жаңа баж саясаты. Өткен айда бұрынғы президент Дональд Трамптың ұсынысымен әлемнің 185 еліне салынатын баж салығы көтерілді. Бұл шешім жаһандық нарықта үлкен толқу тудырды.
Сол уақытта АҚШ-тың мемлекеттік облигациялары жаппай сатылымға шықты, бұл – қаржы нарығындағы ерекше құбылыс ретінде бағаланды. Бірқатар сарапшылар бұл әрекетті Жапонияның жауабы ретінде сипаттады.
Халықаралық қаржы сарапшылары бұл қадамды Жапонияның геосаяси және экономикалық ықпалын күшейтуге бағытталған стратегиялық шешім деп бағалап отыр.
«Токио Вашингтонға өзінің экономикалық тәуелсіздігін көрсетуге тырысып отыр. Бұған дейін Жапония сауда келіссөздерінде сақ әрі ымырашыл позиция ұстанатын. Алайда бұл жолы қаржы құралдары ашық қолданылуы мүмкін», – дейді жапондық экономист Такаши Ямагути.
Жапония мен АҚШ арасындағы қарым-қатынас – тек екі елдің ішкі мәселесі емес, бұл бүкіл Азия-Тынық мұхиты аймағындағы сауда мен қауіпсіздік тепе-теңдігіне тікелей әсер етеді. Егер Токио АҚШ-тың облигацияларына қысым жасауға шешім қабылдаса, бұл жаһандық қаржы нарығында айтарлықтай дүмпу тудыруы мүмкін.
Жапонияның осындай қадамға баруы — сауда соғыстарының жаңа құралдары пайда болғанын көрсетеді. Бұл тек баж салығы немесе тарифтік реттеу мәселесі емес, халықаралық қарыз, қаржылық егемендік және геосаяси мүдделердің күрделі тоғысы.
Жақын айларда Токио мен Вашингтон арасындағы келіссөздердің сипаты осы қаржылық қысым тетігіне қалай әсер ететініне әлемдік қауымдастық жіті назар аударатын болады.
