Түрікменстан Халк Маслахатының төрағасы Гурбангулы Бердімұхамедовтің Түркістанға жасаған ресми сапары аяқталды. Бұл жайында Ақорданың баспасөз қызметі ресми мәлімет таратты.
Мәртебелі мейманды Қазақстан Президенті Қасым-Жомарт Тоқаев жеке өзі Түркістан халықаралық әуежайынан шығарып салып, екіжақты кездесулер мен достық ниетпен өткен іс-шаралардың жоғары деңгейде өткені үшін ризашылығын білдірді.
Айта кетейік, Түрікменстан делегациясының бұл сапары бауырлас елдер арасындағы стратегиялық серіктестік пен мәдени-гуманитарлық байланысты одан әрі нығайтуға бағытталған. Сапар барысында бірқатар келіссөздер мен маңызды шаралар өтті.
Гурбангулы Бердімұхамедов Түркістан жерінің қонақжайлылығына алғысын айтып, екі ел арасындағы тату қарым-қатынастың одан әрі беки түсетініне сенім білдірді.
