25 қазан – Республика күні қарсаңында Шымкент қаласының Достық үйінде ел бірлігін, қоғамдық келісім мен татулықты нығайтуға үлес қосқан бірқатар белсенді азаматтар марапатталды.
Марапаттау рәсімін Шымкент қаласы Қазақстан халқы Ассамблеясы төрағасының орынбасары Тахирбек Нишанбаев жүргізді. Ол жиналғандарды мерекемен құттықтап, Республика күні мен Егемендік декларациясының тарихи маңызына тоқталды.
«25 қазан – мемлекетіміздің тәуелсіздікке бет алған алғашқы қадамының нышаны. 35 жыл бұрын қабылданған Егемендік туралы Декларация – бүгінгі бейбіт өмір мен ел бірлігінің негізі. Бүгін марапат алған азаматтар осы құндылықтарды сақтап, ел дамуына өз үлесін қосып келеді», – деді Тахирбек Нишанбаев.
Іс-шара барысында этномәдени бірлестіктердің өкілдері мен қоғамдық келісім бағытында белсенді еңбек етіп жүрген азаматтарға алғыс хаттар табыс етілді.
#RepublicDay #25қазан
