Қазақстанда денсаулық сақтау саласын жетілдіру бағытында жүйелі өзгерістер жалғасуда. 2025 жылғы 14 шілдеде Мемлекет басшысы Қасым-Жомарт Тоқаев «Қазақстан Республикасының кейбір заңнамалық актілеріне міндетті әлеуметтік медициналық сақтандыру және медициналық қызметтер көрсету мәселелері бойынша өзгерістер мен толықтырулар енгізу туралы» Заңына қол қойды. Бұл құжат – міндетті әлеуметтік медициналық сақтандыру (МӘМС) жүйесін тиімді етіп, медициналық көмектің сапасы мен қолжетімділігін арттыруға арналған маңызды қадамдардың бірі.
МӘМС жүйесі елімізде 2020 жылдан бастап толық енгізілді. Алайда азаматтардың жүйеге қатысуы мен нақты қызмет алу жолында әлі де бірқатар түйткілдер бар. Осыған байланысты жаңа заңда азаматтардың құқықтарын қорғау, қызметтердің қолжетімділігін қамтамасыз ету және қаржылық тұрақтылық мәселелері жан-жақты қарастырылған.
Мемлекет басшысы қол қойған бұл заң – денсаулық сақтау саласын жетілдіруге бағытталған нақты әрі жүйелі шара. Ендігі мақсат – бұл өзгерістердің жергілікті деңгейде тиімді жүзеге асуына қол жеткізу. Медициналық көмек әр азаматқа қолжетімді болуы тиіс – жаңа заң осы мақсатқа жол ашады.
Заң мәтіні толық нұсқада ресми баспасөзде жарияланатын болады.
