Абай ауданының әкімі Сұлтанхан Шәкір Асылханұлы аудандағы инфрақұрылымдық дамуды талқылады. Бүгінгі күні аудан халқы 257,7 мың адамды құрайды, 27 елді мекенде 55 159 жеке үй және 220 көпқабатты тұрғын үй орналасқан. Ауыз су мен электр қуатымен қамтамасыз ету толықтай 100%-ға жеткен.
Табиғи газбен 23 елді мекен қамтамасыз етілген, бұл 85,2%-ды құрайды. Қалған 4 елді мекенде газ жүйесі жүргізілуде: Қайнарбұлақ, Ынтымақ-2 және Тәуелсіздікке-20 жыл тұрғын алабтарында құрылыс 2024 жылдың соңына дейін аяқталады деп жоспарлануда.
Кәріз жүйесімен 27 елді мекеннің тек 7-еуі ғана қамтылған. Достық және Бозарық шағын аудандарында кәріз жүйесінің құрылысы аяқталып, 5 ірі жоба іске асуда. Тұран-А-2 тас жолы мен Шымсити-Төлеметов коллекторларының құрылысы 2025-2026 жылдары жалғасады, нәтижесінде 2026 жылға қарай кәріз жүйесімен қамту 55,5%-ға дейін өседі деп күтілуде.
Бұл шаралар аудан халқының өмір сүру сапасын жақсартуға бағытталған маңызды қадамдар болып табылады.
2024 жылы Абай ауданында инфрақұрылымдық дамуға ерекше көңіл бөлінуде. Аудандағы 1274 көшенің жалпы ұзындығы 1080,1 шақырымды құрайды, олардың ішінде:
— Асфальт жолдар – 573 шақырым (48,5%);
— Тас жолдар – 450,2 шақырым (25,7%);
— Топырақ жолдар – 57 шақырым (2,8%).
Ауданның абаттандыру жұмыстарына 2024 жылы 3,88 миллиард теңге бөлінді. Бұл қаржы мерекелік іс-шаралардан бастап, балалар мен спорт алаңдарын салуға, көшелерді жарықтандыруға және елді мекендерді абаттандыруға бағытталған.
Сонымен қатар, халықтың қатысуымен жүзеге асырылатын бюджет жобасы аясында 22 жоба іске асырылды, оның ішінде, 18 балалар алаңы, 2 спорт алаңы.
Бұл жобаларға 491,2 миллион теңге бөлінді. Ауданның инфрақұрылымын жаңарту бойынша қолға алынған жұмыстар халықтың өмір сапасын арттыруға бағытталған маңызды қадамдар болып табылады.
