Бүгін аудан әкімі аппаратының ұйымдастыруымен “Тәуелсіздік — Тұғырым!” іс-шарасы өткізілді.
Іс-шара барысында аудан тұрғындары, жастары “Желтоқсан-86.Тәуелсіздік Таңы” қоғамдық бірлестігінің белсенді мүшелерімен кездесті.
Сонымен бірге, кездесуге аудан басшысы -Р.Мүлкеманов, “Аманат” партиясы аудандық филиалының атқарушы хатшысы -Ә.Рақманқұлов, қалалық мәслихат депутаты -А.Молдабек қатысты.
Құнды Тәуелсіздігіміздің басты жетістігі еліміздегі тұрақтылық пен бірлік, Мемлекет басшысының сарабдал саясаты екенін атап өткен кездесу спикерлері алдағы уақытта да ел егемендігінің даңғыл жолын жалғастыру ұрпақ алдындағы басты міндет екенін ұмытпау қажеттігін де айтты.
Кездесуде аудан басшысы барлық “Желтоқсан-86.Тәуелсіздік Таңы” қоғамдық бірлестігінің Қаратау аудандық азаматтарын арнайы мерекелік марапатпен құттықтады.
Сондай-ақ, іс-шара барысында аудан әкімі аппаратының ұйымдастыруымен аудандағы білім беру мекемелерінің жас қызметкерлері арасында өткен “Мен-Тәуелсіз елдің Перзентімін!” аудандық эссе байқауының жеңімпаздарын марапаттау өтті.
Кездесу қорытындысында кездесу қонақтары “Егемендігіміздің ерекше нышаны болған ел ынтымағы арта берсін!”- деп, өз лебіздерін жеткізді.
