Шетелдік көліктерді заңдастыру басталғалы бері 32 мың 66 азаматтың өтінімі мақұлданған. Осыған дейін 8 мың 670 қазақстандық көлігін заңдастырып, құжаттары мен нөмірлерін алған. Бұл науқан ел аумағына 2022 жылдың 1 қыркүйегіне дейін кірген көліктер ғана қатысты екенін еске сала кету керек. Темір тұлпар іздеуде болмауы тиіс, өзге мемлекеттен есептен шығарылып, кедендік бақылаудан өтуі қажет. Көлікті заңдастыру үшін алғашқы тіркеу, техникалық паспорт үшін баж салығын және мемлекеттік нөмір алу үшін тиісті алымдарды төлеу міндеттеледі. Ал өтінішті егов порталы арқылы онлайн түрде немесе мамандандырылған халыққа қызмет көрсету орталығына барып, беруге болады.Бұл туралы Ішкі істер министрлігі хабарлады.
ГРАФИКА1: ШЕТЕЛДІК КӨЛІКТЕРДІ ЗАҢДАСТЫРУ: 32 МЫҢ 66 ӨТІНІМ, 8 МЫҢ 670 АЗАМАТ
ГРАФИКА2:
ШЕТЕЛДІК КӨЛІКТІ ТІРКЕУ ТӘРТІБІ 01.09.2022 ЖЫЛҒА ДЕЙІН ӘКЕЛУ;
ІЗДЕУДЕ БОЛМАУ;
ӨЗГЕ МЕМЛЕКЕТТЕН ЕСЕПТЕН ШЫҒАРУ;
КЕДЕНДІК БАҚЫЛАУДАН ӨТУ /ҚЫРҒЫЗСТАН МЕН ЕЭО КІРМЕЙТІН ЕЛДЕР ҮШІН/
ЗАҢДАСТЫРУ ҮШІН АЛЫНАТЫН ТӨЛЕМ:
АЛҒАШҚЫ ТІРКЕУ – 200 МЫҢ ТЕҢГЕ;
ТЕХНИКАЛЫҚ ПАСПОРТ – 4 МЫҢ 313 ТЕҢГЕ;
МЕМЛЕКЕТТІК НӨМІР – 9 МЫҢ 660 ТЕҢГЕ.
