Жарыстың соңғы күні Қазақстан қоржынына екі қола медаль түсті. Шаңғышылар 15 шақырымдық масстартта соңғы күштерін сарқыды. Жерлестеріміз арасынан Шалыгина ғана шапшаңдық танытты. Ксения Эстония мен Америка спортшысын алға жіберіп, қолаға қол созды. Жартылай финалда Канададан ұтылған хоккейшілеріміз Жапондарға қарсы барын салды. Ғалым Мәмбетәлиев шәкірттері алғашқы минуттан матч соңына дейін ойын тізгінін уыстан шығарған жоқ. Кездесудің қорытынды нәтижесі 8:1. Қазақстан құрамасы Универсиаданың қола жүлдегері атанды. Медаль саны жөнінен Жапония жалпы командалық есепте топ жарды. Оңтүстік Корея мен Канада үздік үштіктен көрінсе, Қазақстан құрамасы 11-ші сатыға табан тіреді. Қоржынымызда 3 алтын, 4 күміс, 4 қола жүлде бар.
https://24.kz/kz/zha-aly-tar/sport/item/583420-lejk-plesid-ys-y-universiadasy-m-rege-zhetti
