Өткен сиыр жылында ел ішінде сүйінетін де, күйінетін де жағдайлар аз болған жоқ.
Енді биыл барыс жылындағы бағыт бағдарымыз қандай болмақ? Нені ескеруіміз керек? Мақсат қандай, ой қандай? Бүгінгі Жолдау осы сұрақтарға жауап болмақ. Ал оған дейін ел не дейді? Көптің көкейіндегі не?
– Бұрынғы жолдаулардан бөлек өзгеше болады деп ойлаймын. Халықтың әлеуметтік жағдайын көтеретін. Халыққа қызмет ететін жолдау болама деп ойлаймын.
– Аналарды қамтамасыз етсінші бірінші сол. Қарагөз аналарымызды қамтамасыз етсе болды, содан басқа не қатты сұрамаймыз.
– Арзандатса екен деп ойлаймыз, қазіргі мына қымбатшылықты кішкене арзандатып, халықтың жағдайы сосын жақсара ма деп.
– Жақсы жаңалық күтеміз енді. Қанша дегенмен елімізде қазір жақсы істер жүзеге асып жатыр ғой. Қаңтар оқиғасынан кейін депутататр да шамалы тіріле бастады, халықтың мұңын ойлап өздеріне алған міндеттерін орындап жатқан сияқты енді. Президенттің жолдауын бәріміз де күтіп отырмыз, жақсы жаңалық айтатын шығар деп. Халыққа бір пайдасы тиетін шығар деп.
– Алла жазса, сол Президенттің үндеуі шығады деп жатырсыздар ғой. Жастардың қамын ойлап, мүмкіндік көбейтсе екен. Үйлерді беруге жеңіл жолдарды қарастырса екен деп ойлаймын.
https://24.kz/kz/zha-aly-tar/o-am/item/533617-prezident-zholdauynan-khaly-ne-k-tedi
