«Тұрмыстық зорлық-зомбылықтың алдын алудағы отбасылық құндылықтардың маңыздылығы. Қоғамның түрлі саласындағы әйелдер рөлі» атты аудандық форум өткізілді.
Форумға қаламыздың қоғамдық-саяси өміріндегі белсенді азаматшалар, Қаратау ауданы аумағындағы білім, денсаулық, мәдениет және спорт мекемелері басшылары (әйел азаматшалар) қатысты.
Аудандық әкімдіктің ұйымдастыруымен өткізілген дәстүрлі форум барысында отбасылық құндылықтардың маңызы, балалар құқықтары, әйелдер істері мен олардың қоғамдағы рөлі кеңінен талқыланды.
Аудан басшысы Р.Мүлкеманов форум спикерлері мен қатысушылары тарапынан айтылған пікірлер мен ұсыныстар аудандық әйелдер істері және отбасылық-демографмлық саясат жөніндегі комиссия жұмыс жоспарына енгізілетінін жеткізді.
Форум соңы аудандық білім беру мекемелерінің тәрбие саласындағы жауапты басшыларына арналған тренингке жалғасты.
