Бұл жөнінде Шымкент қаласының әкімі М.Әйтенов Орталық Коммуникациялар Қызметі арнайы баспасөз мәслихатында «Шымкент қаласының әлеуметтік-экономикалық дамуы» жөнінде жасаған баяндамасында айтты.
Республикалық маңызы бар қала болғалы, яғни соңғы бес жылда өнеркәсіп өнімінің көлемі 492 млрд. теңгеден 937 млрд. теңгеге асты, шағын және орта кәсіпкерлік субъектілерінің саны 58 мыңнан 110 мыңға дейін өсті сонымен қатар, қалаға 2 трлн. теңгеден астам инвестиция тартылып, бюджет көлемі 146 млрд. теңгеден 613 млрд.теңгеге жетті.
Қаланың макроэкономикалық көрсеткіштеріне көз жеткізер қарайтын болсақ, өсім динамикасы бар.
Ал осы жылдың 5 айында инвестиция көлемі 23 пайызға, құрылыс жұмыстары 20 пайызға, пайдалануға берілген тұрғын үй алаңы 73 пайызға, бөлшек сауда көлемі 25 пайызға артты.
Ендігі кезекте қаланың стратегиялық дамуына көп мән берілу керек.
Бірінші кезекте – қаланың бас жоспарын демографиялық өсім қарқынына байланысты қайта қарап, жаңадан әзірленді.
Екіншіден, қаланың 5 жылдық даму жоспарын қайта қарап, бүгінгі күні алдағы тұрған басым салалар белгіленді.
