Шымкент қаласы бойынша «Парыз» конкурсына қатысушы мекемелерге ҚР Еңбек және халықты әлеуметтік қорғау министрі Тамара Дүйсенованың арнайы алғыс хаттары табысталды.
Бизнестің әлеуметтік жауапкершілігі жөніндегі «Парыз» байқауы, ірі, орта және шағын кәсіпкерлік субъектілері арасында «Үздік әлеуметтік жауапты кәсіпорын», «Еңбек қорғау саласындағы үздік кәсіпорын», «Үздік ұжымдық шарт», «Экологияға қосқан үлесі үшін», «Ең үздік жыл жобасы» номинациялары аясында өткізілген болатын.
Кәсіпкерлер – ұлттық экономиканың басты қозғаушы күші. Марапатталғандар сапында, «Рахат-Шымкент» фабрикасы да бар. Әлемдегі кондитер саласында озық өндіріс орны – ел мақтанышы.
«Күнделікті дастарханымыздан табылатын тәттілер «Рахат-Шымкент» фабрикасында өндіріледі. Тәттілер Қазақстаннан өзге Ресей, Өзбекстан, Қырғызстан, Германия, Ауғанстанға жіберіледі,-дейді мекеме директоры Жұлдыз Рахипбекова
Халықтың әл-ауқатын арттыруда әрі ел экономиканың дамуына сүбелі үлес қосып келе жатқан еңбек ұжымдарына айтылар алғыс мол!
