Шымкент қаласында биыл ауыл шаруашылығы саласында ірі көлемде жұмыстар атқарылды. Жергілікті фермерлер жалпы көлемі 26,5 мың гектар жерге түрлі дақылдар егілген. Атап айтқанда, 10,9 мың гектарға дәнді дақылдар егілген, оның ішінде бидай 10,3 мың гектарды, арпа 0,6 мың гектарды құрайды. Майлы дақылдар 3 мың гектарға егілсе, мал азықтық дақылдар 9 мың гектарға жайғасты. Сонымен қатар, көкөніс пен бақша дақылдары 3,1 мың гектарды алып жатыр, ал картоп 500 гектарға егілді. Жыл соңына дейін осы егістік алқаптардан 86 мың тонна өнім жиналады деп жоспарланып отыр. Қазірдің өзінде 66,5 мың тонна өнім жиналған. Сондай-ақ, мал азығының дайындығы барысында қысқы маусымға қала шаруашылықтары 307 мың тонна мал азығын дайындалған. Бұл жоспардың 93%-ын құрайды. Мал шаруашылығының тұрақтылығын қамтамасыз ету үшін дизель отынының жеткізілуі де назардан тыс қалған жоқ. Көктемгі егістік науқанына 35,9 тонна дизель отыны бөлініп, толығымен үйлестірілген болса, күзгі егін жинау жұмыстарына 104,5 тонна дизель отыны бөлініп, шаруашылықтарға жеткізу жұмыстары жалғасуда.
Премьер-Министрдің Шымкент қаласына жұмыс сапары барысында ауыл шаруашылығы, фармацевтика және тамақ өнеркәсібі салаларындағы өкілдерімен кездесті. Бұл кездесуде Қазақстан Президентінің Жолдауындағы өнеркәсіптік әлеуетті толық ашу және экономиканың жаңа өсу нүктелерін дамыту жөніндегі міндеттерді іске асыруға байланысты нақты шаралар талқыланды. Сондай-ақ Шымкент қаласындағы «Химфарм» фармацевтикалық зауытының жұмысымен танысты. Үкімет басшысына зауыттың өндірістік қуаты жыл сайын 1 миллиард таблетка, капсула және түйіршіктер, 250 миллион ампула инъекциялық ерітінділер шығаруға мүмкіндік беретінін баяндады. Фармацевтикалық кәсіпорын 89 түрлі дәрілік заттарды өндіреді және оның Шымкент фармацевтика саласындағы үлесі 99,2%-ды құраса, республика көлеміндегі үлесі 43%-ды құрайды.
«Химфарм» зауытында қазіргі таңда 897 адам жұмыс істейді, ал қызметкерлердің кәсіби біліктілігін арттыру мақсатында олар Еуропа елдерінде тұрақты түрде оқыту курстарынан өтеді. Үкімет басшысы фармацевтика саласындағы отандық өндірісті әрі қарай дамыту және осы бағыттағы инновацияларды енгізудің маңыздылығын ерекше атап өтті.
Шымкент қаласының ауыл шаруашылығы мен өнеркәсіп саласындағы жетістіктері қала экономикасының өсіп-өркендеуіне үлкен үлес қосып отыр. Ауыл шаруашылығы өнімдерінің тұрақты жиналуы мен өндірістік қуаттардың артуы өңірдің дамуына жол ашып, ұлттық экономикаға серпін береді.
