Қазақстандық жеңіл атлет Кристина Овчинникова халықаралық турнирде қола медаль жеңіп алды, деп хабарлайды Prosports.kz.
Отандасымыз биікке секіруден Чехияның Густопече қаласында өткен Hustopecské skakani турнирінде үшінші орынға ие болды.
Кристина 1.95 метрді бағындырды.
Бірінші орын 1.99 метр нәтижемен британиялық жеңіл атлет Морган Лейкке, екінші орын украиналық спортшы Ирина Геращенкоға (1.97 метр) бұйырды.
Айта кетейік, Hustopecske skakani турнирі жыл сайын өтетін жабық алаңдағы халықаралық дәрежедегі жарыс.
