2022 жылдың 16 қараша күні «Amanat» партиясы Абай аудандық филиалы тарапынан қалалық мәслихаттағы фракция мүшелері Ақжар елді-мекенінің тұрғындарымен кездесу өткізген болатын. Аталған кездесуде тұрғындар елді мекенде №122 мектеп маңында жол жиегінде орнатылған ирригациялық арықтардың беті жабылмағанын, ата-аналар балаларының қауіпсіздігіне алаңдайтынын білдіріп, атқалған мәселені шешу бойынша өтініш айтқан болатын.
Аталған мәселе бойынша жауапты мердігер мекеме өкілдерімен хабарласып жалпы Ақжар елді мекені Ғ.Мұратбаев көшесінде ағымдағы жылы жол жөндеу жұмыстары жүргізілгендігі анықталды. Ирригациялық арықтар мен жаяу жүргіншілер жолақтарын реттеу жұмыстары жыл соңына дейін толық аяқталатындығы айтылды.
2022 жылы желтоқсан айының басында Ақжар елді-мекені Ғ.Мұратбаев көшесінің бойындағы ирригациялық арықтардың беті арнайы бетон жабындармен жабылды.
Мәселе оң шешімін тапты.
